Aoka hivavaka isika rehetra.
Ry Andriamanitra Ray sy Zanaka ary Fanahy Masina ô, Izay Mpamorona sy Mpanavotra ary Mpanamasina anay! Mivory eto anatrehanao izahay, amin’ity tranonao ity (na amin’ity toerana ity) mba hihaino izay holazainao aminay. Andriamanitra ô, mangataka Aminao amin’ny alalan’i Jesosy Kristy izahay, mba hosokafan’ny Fanahy Masina ny fonay, mba hiasan’ny Teninao ao am-ponay hahatonga anay hibebaka noho ny ota nataonay, ka mba hinoanay an’i Jesosy, na amin’ny fiainana na amin’ny fahafatesana, ary hitomboanay hihatsara isan’andro isan’andro amin’ny fitondrantena masina. Hohenoinao anie izany, ry Andriamanitra ô, sy hotanterahinao amin’ny alalan’i Jesosy Kristy. Amena.
Mamonjy ny fipetrahany ny rehetra rehefa vita ny vavaka. Ny Pastora manao raharahan’alitara mitsangana manatrika ny alitara. Vohaina ny varavaran’ny Trano Fiangonana.
Mbola tsy voafaritra — safidio ny hira ho eken’ny fotoana.
(Mihodikavanana mandrakariva ny Pastora rehefa mitodika hanatrika ny Fiangonana, ary mihodikavia rehefa hanatrika ny alitara, afa-tsy rehefa handohalika: ny ila havia misy ny fo izany no atao manakaiky ny alitara mandrakariva rehefa mihodina.)
Ny Pastora mitodika amin’ny Fiangonana ka manao hoe:
Ry Fiangonana malala,
a) « Izay manafina ny fahotany, tsy hambinina; fa izay mitsotra ka mahafoy azy no hahazo famindram-po » (Ohab. 28:13).
b) « Avia ary hifandahatra isika, hoy Jehovah: Na dia tahaka ny jaky aza ny fahotanareo, dia ho fotsy tahaka ny orampanala, na dia mangatrakatraka tahaka ny sily aza, dia ho tahaka ny volon’ondry fotsy » (Isa. 1:18).
Manohy miteny ny Pastora hoe:
« Raha miaiky ny fahotantsika isika, dia mahatoky sy marina Andriamanitra ka mamela ny fahotantsika sy manadio antsika ho afaka amin’ny tsy fahamarinana rehetra » (1 Jao. 1:9).
Noho izany àry dia aoka hanetry tena sy hifona amin’Andriamanitra isika noho ny fahotantsika.
Mitodika amin’ny Alitara ny Pastora manao ny raharahan’alitara, dia mandohalika ka mifona hoe:
Ry Andriamanitra Tsitoha, Mpamorona sy Mpanavotra anay ô! Masina Ianao ka mankahala ny ratsy rehetra. Indreto izahay mpanota mahantra, manetry tena sy miaiky ny fahadisoanay sy ny helokay rehetra eto anatrehanao. Nandova ota sy heloka izahay, sady nanota taminao tamin’ny hevitra sy ny teny ary ny asa, ka tokony ho very sy hohelohina mandrakizay. Nefa noho ny fahasoavanao sy ny famindramponao lehibe sy mahagaga, dia mifona Aminao amin’ny anaran’i Jesosy Kristy izahay.
Pastora sy ny Fiangonana miaraka mivavaka hoe:
Ry Andriamanitra Ray be famindrampo ô! Izay nanolotra ny Zanakao Lahy Tokana ho faty hisolo anay, mamindrà fo aminay, ary noho ny anarany dia mamelà ny fahotanay rehetra, ary ampitomboy amin’ny alalan’ny Fanahinao Masina ny fahalalanay marina Anao sy ny sitraponao, ary ny fanovana marina ny Teninao, mba ho tonga amin’ny fahasambarana mandrakizay izahay, noho ny fahasoavanao, amin’ny alalan’i Jesosy Kristy Tomponay. Amena.
Ny Fiangonana mivavaka an-kira hoe:
| d.d | d : d | r : r.r | r : r | d : d.d | r : r.r | m̂ | m.m | m : r | r : di | r : – | – |
| l,.l, | s, : s, | t, : t,.t, | t, : t, | l, : l,.l, | l, : l,.l, | t, | si,.l, | d : l,.ta, | l, : l, | l, : – | – |
| f.f | s : m | s : s.s | s : f | m : m.m | f : l.l | si | m.m | m : f | m : m | f : – | – |
| f.f | m : d | s, : s,.s, | s, : s, | l, : l,.s, | f, : f.f | m | m.d | l, : f,.s, | l, : l, | r : – | – |
Ry Jeso-sy Tompo Mpamonjy i-zao tonto-lo i-zao! Mamindrà fo a-mi-nay!
Ry Fana-hy Ma-sina To-mpo-nay mpampionona ô! Mamindrà fo a-mi-nay!
Mitsangana ny Pastora ary mitodika amin’ny Fiangonana ka manao hoe:
a) Misaotra ny Ray, Izay nampahamendrika antsika hanana anjara amin’ny lovan’ny olona masina eo amin’ny mazava, sady nahafaka antsika tamin’ny fahefan’ny maizina ka namindra antsika ho amin’ny fanjakan’ny Zanany malalany, Izay ananantsika fanavotana, dia ny famelana ny helotsika. (Kol. 1:12-14)
b) Izaho efa handevona ny fahadisoanao tahaka ny fandevona zavona, ary ny fahotanao tahaka ny rahona; koa miverena Amiko, fa efa nanavotra anao Aho. (Isa. 44:22)
d) Matokia anaka, voavela ny helokao (Mat. 9:2). Fa toy izao no nitiavan’ Andriamanitra izao tontolo izao: nomeny ny Zananilahy Tokana, mba tsy ho very izay rehetra mino Azy fa hanana fiainana mandrakizay (Jao. 3:16). Minoa an’i Jesosy Tompo, dia hovonjena ianao sy ny ankohonanao (Asa. 16:31).
Ny Pastora mihira hoe:
| s,.s, : s, | s,.s, : l,.l, | t,.t,.t, : d | d.d : d | –.d : m | m.m:m.m | r : –.d | d : – |
| Voni-na-hitra any amin’ny a-vo i-ndri-ndrahoan’Andri-a-ma-ni-tra! | |||||||
Ny Fiangonana mihira hoe:
Ary Fiadanana ho ety ambonin’ny tany, amin’ny olona ankasitrahany.
Aoka ho rentsika ny tenin’Andriamanitra ao amin’ny ….
…. Toy izao ny fivaky ny teny amin’ny anaran’i Jesosy.
Mbola tsy voafaritra — safidio ny hira ho eken’ny fotoana.
Aoka ho rentsika ny tenin’Andriamanitra ao amin’ny ….
…. Toy izao ny fivaky ny teny amin’ny anaran’i Jesosy.
Mino an’Andriamanitra Ray Tsitoha, Mpanao ny lanitra sy ny tany aho. Ary mino an’i Jesosy Kristy Zananilahy Tokana Tompontsika, izay notorontoronina tamin’ny Fanahy Masina, naterak’i Maria Virjiny, nijaly raha nanapaka i Pontio Pilato, nohomboana tamin’ny hazo fijaliana, maty ka nalevina, nidina tany amin’ny fiainan-tsy hita, nitsangana tamin’ny maty tamin’ny andro fahatelo, niakatra ho any an-danitra, mipetraka eo an-kavanan’Andriamanitra Ray Tsitoha, avy any no hiaviany hitsara ny velona sy ny maty. Mino ny Fanahy Masina aho, ny Fiangonana Masina manerana izao tontolo izao, ny fiombonan’ny olona masina, ny famelan-keloka, ny fitsanganan’ny tena amin’ny maty ary ny fiainana mandrakizay. Amen.
Izaho mino an’Andriamanitra Tokana, Ray tsitoha, Mpanao ny lanitra sy ny tany ary ny zavatra rehetra, na ny hita na ny tsy hita.
Izaho mino an’i Jesosy Kristy Tompo Tokana, Zanak’Andriamanitra Lahitokana; nateraky ny Ray talohan’ny fotoana rehetra; Andriamanitra avy amin’Andriamanitra; fahazavana avy amin’ny fahazavana, Andriamanitra marina avy amin’Andriamanitra marina; nateraka fa tsy noharina; miray Sobstansa (izay maha-Izy Azy) amin’ny Ray; amin’ny alalany no nahariana ny zavatra rehetra. Noho isika olombelona sy ny famonjena antsika no nidinany avy any an-danitra, ary tonga nofo notorontoronin’ny Fanahy Masina tao an-kibon’i Maria virijina ka natao olombelona; nohomboana tamin’ny hazo fijaliana koa hisolo antsika fony nanapaka Pontio Pilato; nijaly ary nalevina; ary nitsangana indray tamin’ny andro fahatelo araka ny Soratra Masina; niakatra ho any an-danitra; mipetraka eo ankavanan’ny Ray, ary ho avy indray amim-boninahitra hitsara ny velona sy ny maty, ary tsy hanam-pahataperana ny fanjakany.
Izaho mino ny Fanahy Masina, Izay Tompo sady Mpamelona; Izay avy amin’ny Ray sy ny Zanaka; Izay itsaohana sy omem-boninahitra miaraka amin’ny Ray sy ny Zanaka; Izay niteny tamin’ny alalan’ny mpaminany; sady mino koa ny Fiangonana tokana, masina, apostolika, manerana izao tontolo izao. Izaho manaiky ny batisa iray ho famelan-keloka, ary miandry ny fitsanganan’ny maty sy ny fiainana mandrakizay. Amen.
Mbola tsy voafaritra.
- Mivavaka.
- Toy izao ny fivaky ny teny amin’ny anaran’i Jesosy.
- Ry Ray masina ô! Manamasina anay amin’ny fahamarinana, ny teninao no fahamarinana (Jaona 17:7). Amen.
- Ry Fiangonana Malala! Ho aminareo anie ny fahasoavana sy ny Fiadanana avy amin’Andriamanitra Rayintsika sy Jesosy Kristy Tompo (Efes. 1:2). Amen.
- Voninahitra anie ho an’Andriamanitra Ray sy Zanaka ary Fanahy Masina, Izay hatramin’ny taloha indrindra ka ho mandrakizay.
- Raiso ny fitahiana!
- Ho aminareo anie ny fahasoavan’i Jesosy Kristy Tompo sy ny fitiavan’Andriamanitra Ray ary ny firaisana amin’ny Fanahy Masina (2 Kor. 13:14). Amena!
Azo atao na Hira FFPM na Antokom-pihira.
Ry Andriamanitra Tsitoha sady Ray mandrakizay! Midera sy mankalaza ny Anaranao masina izahay fa tsara Ianao ary ny famindram-ponao maharitra mandrakizay. Ianao no efa nahary anay sady manohana anay. Ianao no efa nanavotra anay sady manamasina anay. Hoderaina mandrakizay anie Ianao!
Ry Andriamanitra ô! Jereo amin’ny fahasoavanao ny Fiangonana kristiana. Ampikambano sy hatanjaho izy. Fohazy izay matory fanahy, ampivereno izay efa niala, ampidiro amin’ny Fiangonanao ny jentilisa sy izay sisa amin’ny Zanak’Isiraely. Aoka handroso aminay anie ny zava-mahasoa rehetra ary sakano ny sain-dratsy sy ny asa ratsy rehetra. Tahio ny Mpitondra Fanjakana rehetra isan’ambaratonga eto Madagasikara hipetrahanay miadana amin’ny toe-panahy araka Anao sy ny fahamaotinana rehetra. Tariho amin’ny Fanahin’ny fahendrenao ary tehirizo ao Aminao ny firenena rehetra eran-tany sy ny mpitondra azy mba hanjakan’ny fihavanana sy fandriampahalemana. Ary izy rehetra anie mba samy hahafantatra tanteraka sy hanaiky ny sitraponao, Andriamanitra Ray Mpiahy, antoky ny fiadanan’ny olombelona eto an-tany.
Omeo fo hendry ny ray aman-dreny hitaizany ny zanany araka ny fomba kristiana. Anjakao amin’ny Fanahinao ny sekoly, ary tahio ny konfirmanda sy ny katekomena izay miomana hatao batisa.
Ny fitahianao anie hampahavokatra ny tany sy hanasoa ny fivelomana marina, mbamin’ny asam-panahy tsara rehetra. Vokiso amin’ny hanina isan’andro ny mahantra sy ny noana, ary tahio izay rehetra manome sy miantra amin’ny fifaliana. Ampionony sy ampio ny mpitondratena sy ny kamboty, mbamin’ny marary sy malahelo ary izay miady farany amin’ny fahafatesana. Mamindrà fo amin’ny olona rehetra, ry Tompo!
Midera sy mankalaza ny Anaranao masina izahay noho ny mpanomponao rehetra izay efa naharitra tamin’ny finoana Anao mandra-pahafatiny, ka efa finaritra ao Aminao ankehitriny amin’ny fifalian’ny lanitra. Ampio koa izahay mba hanahafanay ireo, ka ho velona ao Aminao sy ho faty ao Aminao, hahatraranay ny fitsanganan’ny tena amin’ny maty ho fahasambarana mandrakizay.
Misaotra Anao izahay Andriamanitra Ray ô, noho ny fanomezanao anay an’i Jesosy Kristy Zanakao Lahitokana, mba tsy ho very izay rehetra mino Azy fa hanana fiainana mandrakizay.
Misaotra Anao izahay ry Jesosy Kristy ô, noho ny nitondranao ny fahotanay rehetra tamin’ny Tenanao Masina sy ny nanesoranao ny fahadisoanay rehetra tamin’ny rànao.
Misaotra Anao izahay ry Fanahy Masina ô, noho ny nanomezanao anay izany finoana izany ao am-ponay, dia ny tsy ahafantaranay na inona na inona ho famonjena afa-tsy Jesosy Kristy Izay voahombo tamin’ny hazofijaliana.
Andriamanitra ô, omeo anay ny fahasoavanao mba hinoanay tokoa ny famelana ny helokay rehetra noho ny fijalian’i Jesosy Kristy sy ny fahafatesany, ary hazavao amin’ny Fanahy Masina ny fonay mba hialanay isan’andro amin’ny fahotana noho ny herin’ny fitsanganan’i Jesosy tamin’ny maty, ary mba tsy hampialanay an’i Jesosy amin’ny fonay ambara-pahitanay Azy amin’ny fiainana mandrakizay…
Ry Andriamanitra Tompo ô, misaotra sy midera Anao izahay noho ny soa rehetra raisinay Aminao. Omeo hanina isan’andro izahay sy fifaliana ary ny zava-tsoa rehetra: efa nomenao anay ny Teninao masina, sady tezainao amin’ny fahoariana sy ny hazo fijaliana koa izahay, mba hanananay anjara amin’ny Fanjakanao ety an-tany ary hiara-monina Aminao mandrakizay.
Aorian’ny vavaka manaraka ny toriteny no anaovana Batisa, konfirmasiona, Fanokanana mpiasa, Diakona, Komity, mpampianatra SA. Manaraka ny ritoaly mifanandrify amin’izany no anaovana azy. Aorian’ny fanolorana ny rakitra no anatanterahana ny Asa sy fampaherezana, ny fandraisana ny Fanasan’ny Tompo, fanokanana Mpiandry.
Mbola tsy voafaritra.
Eny, mendrika ho deraina tokoa Ianao, ry Tompo Masina ô! Sady Rainay Tsitoha Andriamanitra mandrakizay amin’ny alalan’i Jesosy Kristy Tomponay, izay tia anay sy nanolo-tena nisolo anay. Amin’ny alalany koa no ankalazan’ny anjely ny fiandriananao, sy iarahan’ny fiangonana any an-danitra sy ety an-tany midera ny Anaranao amin’ny fihobiana; ary izahay koa izao miara-manandratra ny feonay aminy ka amin’ny fanajana lehibe no iderainay hoe:
Ny ta-ny re-hetra dia fe-no ny la-za-ny.
Ho-sa-na a-ny a-min’ny a-vo! Isao-ra-na a-ni-e Ilay a-vy
Ta-min’ny a-na-ra-ny. Ho-sa-na a-ny a-min’ny a-vo!
Fiangonana (mipetraka)
Misaotra anao izahay, ry Jesosy Kristy Tompo ô! Midera ny anaranao izahay, ry Zanak’Andriamanitra Lahy Tokana, Mpamonjy anay, ankalazainay Ianao noho ny fitiavanao izay mahery noho ny fahafatesana. Azy izahay izay tonga eto amin’ny latabatrao handray ny Tenanao sy ny Ranao, dia mangataka mba hataonao manatrika Anao amin’ny fo manetry tena sy marina. Ampiraiso Aminao ohatry ny sampana amin’ny voaloboka izahay. Ampianaro hifankatia tahaka ny nitiavanao izahay. Ary aoka hiara-manana amin’ny Fiangonana masina manontolo ny fiononana sy ny fifaliana Aminao. Ry Zanak’ondrin’Andriamanitra nitondra ny fahotan’izao tontolo izao ô! Iantrao izahay! Ry Zanak’ondrin’Andriamanitra nitondra ny fahotan’izao tontolo izao ô! Omeo anay ny fiadananao!
Vavaka Nampianarin’ny Tompo
♪ Rainay Izay any an-danitra, Hohamasinina anie ny
anaranao.
Ho tonga anie ny fanjakanao. Hatao anie ny sitraponao ety an-tany tahaka ny any
an-danitra.
Omeo anay anio izay hanina sahaza ho anay.
Ary mamelà ny helokay, tahaka ny namelanay izay meloka taminay.
Ary aza mitondra anay amin’ny fakam-panahy, fa manafaha anay amin’ny ratsy.
Fa Anao ny fanjakana sy ny hery, ary ny voninahitra mandrakizay. Amena.
(Mt 6:9-13)
Mbola tsy voafaritra.
Andriamanitra Tsitoha ô, izay hatramin’ny taloha indrindra ka ho mandrakizay, misaotra Anao izahay noho ny namahananao anay tamin’ireny zava-tsoa nomenao ireny. Ary mangataka aminao izahay noho ny famindramponao, mba hohasoavinao ireny zava-tsoa nomenao ireny hampahery ny finoanay Anao, sy hampifankatia anay indrindra, amin’ny alalan’i Jesosy Kristy Tomponay.
Hampamirapiratra ny tavany aminareo anie Tompoko, ka hiaro anareo.
Hanandratra ny tavany aminareo anie ny Tompo, ka hanome anareo Fiadanana.
Mbola tsy voafaritra.
Tompo ô! Misaotra Anao amin’ny fonay tokoa izahay, fa efa nampianarinao anay izay sitrakao hataonay. Andriamanitra ô, ampio izahay ankehitriny amin’ny alalan’i Jesosy Kristy, noho ny Fanahinao Masina, mba hitehirizanay ny teninao amin’ny fo madio, hitomboanay amin’ny finoana, mba hihatsara isan’andro izahay amin’ny fitondratena masina, ary ny teninao anie no hitokianay na amin’ny fiainana na amin’ny fahafatesana. Amena.
Bokin’ny Ritoaly
Fitandreman’ny Fiangonana — FKTLM
Ity no fitehirizana ny fombam-pivavahana sy ny ritoaly ampiasain’ny FKTLM — batisa, konfirmasiona, fanambadiana, fanokanana mpiasa, fandevenana ary ny litorjian’ny andro lehibe.
Safidio ao amin’ny tovana eo an-kavia ny ritoaly tianao hovakina.
